30 ára afmælisfögnuður | Barnasáttmáli SÞ

20.11.2019 09:00

Haldið verður upp á 30 ára afmæli Barnasáttmála Sameinuðu þjóðanna í Kópavogi miðvikudaginn 20. nóvember. Í allt haust hafa börn unnið að mikilvægum verkefnum sem lúta að umhverfis- og loftslagsmálum, friði, réttindum  og þátttöku barna en verkefnin verða kynnt á afmælisdeginum á sýningum, málþingi og tónleikum. Þá verða í boði smiðjur í Gerðarsafni, Náttúrufræðistofu og á Bókasafni Kópavogs. Þá leikur Skólahljómsveit Kópavogs á tónleikum í Salnum kl. 12:15 og ungmenni dansa í félagsmiðstöðinni Þebu. Í Smáralind verður einnig opnuð sýning á verkum leikskólabarna þar sem birtist túlkun barna á Barnasáttmálanum.

Kópavogsbær er að innleiða Barnasáttmála SÞ og því vel við hæfi að fagna afmælinu með glæsibrag.

Dagskrá dagsins er unnin í samvinnu leik- og grunnskóla Kópavogsbæjar, frístundaheimila og Menningarhúsanna í Kópavogi.

Dagskráin er sem hér segir:

Kl. 09:00 | Salurinn

Friðarsýning opnar. Leikskólinn Rjúpnahæð sýnir verk barna leikskólans sem byggð eru á túlkun þeirra á friði og unnin út frá stefnu leikskólans, sem byggir á sjálfræði með lýðræði að leiðarljósi. Í leikskólanum er áhersla lögð á að að hlusta á raddir og sjónarmið barna sem er í fullu samræmi við Barnasáttmálann.

Bæjarstjóri Ármann Kr. Ólafsson opnar sýninguna og við það tækifæri verður Friðarlagið flutt af elstu börnum leikskólanna Rjúpnahæðar, Urðarhóls, Grænatúns, Kópasteins, Austurkórs og Álfaheiðar. Friðarlagið var samið sérstaklega í tengslum við sýninguna, lagið er eftir Hjört Jóhannsson og texti er eftir Kristján Hreinsson.

Kl. 09:00 - 13:00 | Opnar smiðjur

Bænafánasmiðja í Gerðarsafni

Krakkamælaborð á Bókasafni

Póstkortasmiðja á Náttúrufræðistofu

Hugleiðingar um hamingjuna á Bókasafni

Kl. 09:45 | Náttúrufræðistofa Kópavogs 

Börn úr 8. bekk í Kópavogi opna sýninguna Pláneta A á Náttúrufræðistofunni ásamt Ármanni Kr. Ólafssyni bæjarstjóra Kópavogs, Andra Snæ Magnasyni rithöfundi og Sævari Helga Bragasyni, Stjörnu-Sævari. Í allt haust hefur nemendum í 8. bekk í Kópavogi verið boðið á fyrirlestra og umræður með Sævari Helga og unnið í kjölfarið fjölbreytt verkefni tengd umhverfis- og loftslagsmálum. Með verkefninu er lögð áhersla á að raddir unglinganna heyrist og þeirra skoðanir komist á framfæri.
Sýningin stendur til 27. nóvember.

Kl. 10:00 | Bókasafn Kópavogs - aðalsafn

Skemmtileg sögustund á 2. hæð bókasafnsins þar sem góður gestur les fyrir leikskólabörn. 

Kl. 10:15 | Bókasafn Kópavogs

Dansað fyrir réttindum barna og ungmenna! 
Nemendum 8. bekkja er boðið upp í dans hjá Friðriki Agna á jarðhæð bókasafnsins.

Kl. 10:00- 10:40 | Salurinn

Tvöhundruð börn úr 5. bekk í skólum Kópavogs halda málþingið Krakkaveldi þar sem þau bjóða börnum og fullorðnum til fundar við sig og kynna sínar hugmyndir um hvernig Ísland verður þegar þau fá loks að ráða. Salvör Gullbrá Þórarinsdóttir hefur þróað Krakkaveldi með það að markmiði að valdefla börn og velta upp spurningum um lýðræði og vald barna til að hafa áhrif í samfélaginu.

Kl. 09:00 - 13:00 | Bókasafn Kópavogs - aðalsafn

Nemendum er boðið í friðarkrakkajóga undir stjórn Helgu Einarsdóttur jógakennara á 3. hæð bókasafnsins. Bóka þarf í jógað sem byrjar á heila tímanum en aðeins 25 komast að í hvert skipti, tekið við bókunum á menningarhusin@kopavogur.is 

Kl. 12:15 | Salurinn

Skólahljómsveit Kópavogs undir stjórn Össurar Geirssonar og Jóhanns Björns Ævarssonarheldur tónleika kl. 12:15 í Salnum. Skólahljómsveitin hefur í haust tengt tónlist við Barnasáttmálann og Heimsmarkmið Sameinuðu þjóðanna um sjálfbæra þróun. Á tónleikunum segja meðlimir hljómsveitarinnar frá lögunum, hvernig þeir upplifa tónlistina og hvaða skilaboðum þeir vilja koma áleiðis með sínum tónlistarflutningi. Tónleikarnir eru opnir öllum en gott er að tryggja sér sæti með því að bóka á menningarhusin@kopavogur.is 

Tónleikar Skólahljómsveitarinnar eru öllum opnir á meðan húsrúm leyfir og hluti af viðburðaröðinni Menning á miðvikudögum.

Kl. 17:00 | Smáralind

ning á teikningum leikskólabarna í Kópavogi verður opnuð í Smáralind kl. 17:00. Verkin á sýningunni eru túlkun barna á hinum ýmsu greinum Barnasáttmálans.
Sýningin í Smáralind stendur til 24. nóvember.

Kl. 19:30 | Félagsmiðstöðin Þeba

Deginum lýkur með því að unglingar dansa fyrir réttindum ungmenna í félagsmiðstöðinni Þebu. DJ Dóra Júlía sér um tónlistina.