Það kann að hljóma mótsagnakennt en þrátt fyrir að gestum hafi fækkað um 42% vegna Covid 19 þá hafa aldrei jafnmargir notið viðburða Menningarhúsanna í Kópavogi líkt og árið 2020.162.290 gestir sóttu húsin heim á meðan 245.536 fylgdust með streymisviðburðum.Þetta og fleiri áhugaverðar upplýsingar er að finna í viðamikilli skýrslu um menningarmál Kópavogsbæjar sem kom út í byrjun maí. Í henni er farið ítarlega yfir starfsemi menningarmála í Kópavogi árið 2020 og markmið málaflokksins fyrir árið 2021.
Allt frá árinu 2015 hefur Náttúrufræðistofa Kópavogs unnið að endurnýjun á grunnsýningum Náttúrufræðistofunnar. Safnasjóður hefur styrkt flestar þær framkvæmdir sem nú þegar hafa átt sér stað og veitir nú Náttúrufræðistofu öndvegisstyrk upp á tæpar 12 milljónir kr. Sá styrkur mun fjármagna lokahnykkinn í framkvæmdunum, sem er jafnframt dýrasti þátturinn.
Verkefni Náttúrufræðistofunnar Leggjum línurnar hefur hlotið styrk úr Loftslagssjóði Rannís. Verkefnið er hannað fyrir 10. bekk grunnskóla og snýst í stuttu máli um að efla vitund ungmenna um loftslagsmál í víðu samhengi með samblandi af fræðslu og verklegum úrlausnarefnum þar sem unnið verður með raunveruleg gögn á stórum og smáum skala.